Շվեյցարիայում՝ Ժնեւի լճի ափին գտնվող Մոնտրյո առողջարանային քաղաքում, 5 մարդ նետվել է 7-րդ հարկից, 4-ը տեղում մահացել է։
Նշվում է, ողջ մնացածը ստացել է պոտենցիալ վտանգավոր վնասվածք եւ գտնվում է ծայրահեղ ծանր վիճակում։
Հարեւանները ոստիկանությանը պատմել են, որ 5 հոգուց բաղկացած ընտանիքը բնակարան է տեղափոխվել երեք տարի առաջ՝ քառասունն անց երկու մեծահասակ, երկու դեռահաս եւ մեկ տատիկ:
Ոստիկանությունը չի հաստատել, թե արդյոք նրանք ընտանիքի անդամներ են եղել։ Հարեւաններից մեկն ասել է, որ շատերը մտածում են, որ ընտանիքն ինչ-որ աղանդի է պատկանել։
