Ռուսաստանի նախագահ Վլադիմիր Պուտինի եւ Ուկրաինայի նախագահ Վլադիմիր Զելենսկու հանդիպումը հնարավոր է, եթե նախապես արդեն նախապես մշակված լինեն երկու երկրների միջեւ ձեռք բերվելիք պայմանավորվածությունների հիմնական կետերը։ Այս մասին հայտարարել է Ռուսաստանի խորհրդարանի վերին պալատի՝ Դաշնային խորհրդի նախագահ Վալենտինա Մատվիենկոն։
«Հանդիպումը հնարավոր կլինի, եթե ուկրաինական եւ ռուսական կողմերը համաձայնվեն օրակարգի հետ եւ մշակեն ինչ որ ամփոփիչ փաստաթուղթ, որը պետք է լինի։ Իսկ որ դատարկ տեղում հույսեր արթնացնել, թե հիմա նախագահները կհանդիպեն ու կբանակցեն ․․․ իսկ արդյունքներ չեն լինելու, հանուն ինչի այդ դեպքում հանդիպեն»,- ասել է Մատվիենկոն, հավելելով, որ Ռուսաստանը նման «առարկայական» կամ «սուբստանտիվ» հանդիպման պատրաստ է։
