Նիդեռլանդների կառավարությունը սառեցրել է մոտ 400 մլն եվրոյի ակտիվներ, որոնք կապված են ռուսաստանցիների հետ, որոնց նկատմամբ պատժամիջոցներ են սահմանվել, հայտնում է AP-ն։

Ֆինանսների նախարար Սիգրիդ Կաագը խորհրդարանին ուղղված նամակում հրապարակել է սառեցված հաշիվների վերաբերյալ վերջին տվյալները: Նրա խոսքով՝ ավելի քան 242 մլն եվրո Ռուսաստանին առնչվող միջոցներ են սառեցվել հոլանդական թրաստային ընկերություններում եւ մոտ 145 մլն եվրո՝ բանկային հաշիվներում։

Մնացած սառեցված ակտիվները պահվում են ներդրումային ընկերություններում եւ կենսաթոշակային հիմնադրամներում։