Նախօրեին ուկրաինական եւ ռուսական կողմերի միջեւ բանակցություններ տեղի ունեցան Ուկրաինայում ռազմական գործողությունների դադարեցման շուրջ։

Հաջորդ բանակցությունները նախատեսված են մարտի 2-ին, հայտնում է «Զերկալո նեդելի»-ն:

Միաժամանակ, ինչպես փոխանցում է «Գլավկոմ»-ը, ուկրաինական դիվանագիտության աղբյուրները նախանշել են ռուսների կողմից առաջադրված որոշ պահանջներ։

Ըստ ԶԼՄ-ների՝ խոսքը, մասնավորապես, հետեւյալ կետերի մասին է.

Ուկրաինայի ոչ բլոկային կարգավիճակ՝ ամրագրված խորհրդարանական մակարդակով հանրաքվեի միջոցով,

Ուկրաինայի կողմից Դոնեցկի եւ Լուգանսկի մարզերի վարչական շրջանակներում ԴԺՀ-ի եւ ԼԺՀ-ի ճանաչում, 

ապաազգայնականացում,

Ղրիմը, որի վերադարձը պահանջում է Ուկրաինան, դուրս բերել փակագծերից ապագա համաձայնագրում։

«Իսկ Ուկրաինան «լռության ռեժիմ» է խնդրել  մինչեւ հաջորդ հանդիպում։ Սակայն ռուսական կողմը դա չի խոստացել։ Մասնավորապես, մարտի 1-ին Խարկովի Ազատության հրապարակում ավիահարված է իրականացվել»,- ասվում է հաղորդագրության մեջ։