Հունաստանը կասեցրել է Հունաստանում ներդրումներ կատարող հարուստ ռուսներին կացության թույլտվությունների տրամադրումն ու երկարաձգումը «մինչեւ հետագա ծանուցում», հայտնել է միգրացիայի նախարարությունը, փոխանցում է Reuters-ը։
«Նոր հարցումներ չեն ընդունվի, իսկ «ձեռնարկությունների ղեկավարներ» կատեգորիայի դիմումները ՌԴ քաղաքացիների համար չեն քննվի»,- ասվում է նախարարության հաղորդագրության մեջ։ Կվերանայվե՞ն արդյոք ավելի վաղ տրված վիզաները, չի նշվում:
Իր Golden Visa ծրագրի շրջանակներում Հունաստանը վերականգնվող կացության թույլտվություն է առաջարկում, որը վավեր է հինգ տարի ժամկետով՝ 250.000 եվրոյի ներդրման դիմաց:
Միգրացիայի նախարար Նոտիս Միտարաչին հայտարարել է, որ 2013 թվականին ծրագրի մեկնարկից ի վեր Ռուսաստանի քաղաքացիներին շուրջ 2500 կացության թույլտվություն է տրվել, եւ այդ ժամանակվանից Հունաստանն ավելի քան 3 միլիարդ եվրոյի ներդրում է ներգրավել։
