Բաքվի Նարիմանով շրջանում հինգշաբթի օրը նոր կառուցվող բազմահարկ շենք է փլուզվել:
Այս մասին հայտնում է Ադրբեջանի գլխավոր դատախազության մամուլի ծառայությունը:
«Դատախազության աշխատակիցները տեղում են, կատարվում է քննություն, տարածքի զննություն։ Նախնական տվյալներով՝ փլուզման հետևանքով մի քանի մարդ տուժել է։ Հանրությանը կտրամադրվի լրացուցիչ տեղեկություն»,- ասվում է զեկույցում։
Տեղական լրատվամիջոցների փոխանցմամբ՝ փլատակների տակ դեռ մարդիկ կան։
