Կոտայքի մարզում, այսօր՝ փետրվարի 10-ին, արտակարգ դեպք է տեղի ունեցել. ժամը 09։00-ի սահմաններում ԱԻՆ փրկարար ծառայության 9-11 ճգնաժամային կառավարման կենտրոն ահազանգ է ստացվել, որ «Արծվի թևեր»-ի մոտ ավտոմեքենա է այրվում։ Shamshyan.com-ի հաղորդմամբ, դեպքի վայր են ժամանել ԱԻՆ ՓԾ Աբովյանի փրկարարական ջոկատից 1 մարտական հաշվարկ։  Պարզվել է, որ Երևան-Սևան ավտոճանապարհի 16 կմ հատվածում դեռևս անհայտ հանգամանքներում հրդեհ է բռնկվել Volkswagen Tuareg մակնիշի ավտոմեքենայի շարժիչի հատվածում, և մինչ կժամանեին հրշեջները, ավտոմեքենայի վարորդը իր ուժերով կարողացել է մարել շարժիչի հատվածում առաջացած կրակը։ Վարորդը տեղում հրաժարվել է ճանապարհային ոստիկանների ծառայությունից՝ հայտնելով, որ ինքը չի տուժել։