Հունաստանի իշխանություններն արգելել են Սուրբ ծննդի եւ Նոր տարվա հանրային տոնակատարությունները եւ պարտավորեցրել են դրսում դիմակներ կրել՝ կորոնավիրուսի Omicron տարբերակի տարածումը զսպելու գործին օգնելու համար, հայտնում է AP-ն։

Միջոցառումները ուժի մեջ կմտնեն դեկտեմբերի 24-ի առավոտից։ Քաղաքացիները պետք է կրեն երկու դիմակ կամ հասարակական տրանսպորտում եւ սուպերմարկետներում բարձր պաշտպանվածություն ապահովող դիմակ։ Օտարերկրյա այցելուներին «խստորեն առաջարկվում է» ժամանելուց մի քանի օր հետո երկու ՊՇՌ թեստ հանձնել:

Առողջապահության նախարար Թանոս Պլեւրիսն ասել է, որ նոր տարում լրացուցիչ միջոցներ են սպասվում, հիմնականում զվարճանքի եւ սպորտային միջոցառումների հետ կապված, որպեսզի խուսափեն կրկին մեկուսացումից:

Ամսվա սկզբից Հունաստանում Omicron-ով վարակման ընդամենը մի քանի տասնյակ դեպք է գրանցվել։