Ռուսաստանի եւ Հայաստանի արտաքին գործերի նախարարներ Սերգեյ Լավրովը եւ Արարատ Միրզոյանը պայմանավորվել են լրացուցիչ քայլեր ձեռնարկել հայ-ադրբեջանական սահմանի սահմանազատման գործնական աշխատանքը սկսելու մասին։

ՌԴ ԱԳՆ մամուլի ծառայությունը հայտնում է, որ հեռախոսազրույցի ընթացքում նախարարները քննարկել են երկկողմ եւ տարածաշրջանային օրակարգի արդիական հարցեր, գնահատականներ են փոխանակել Ադրբեջանի, Հայաստանի եւ Ռուսաստանի ղեկավարների 2021թ. նոյեմբերի 26-ի Սոչիի պայմանավորվածությունների կատարման վերաբերյալ։ Պայմանավորվածություն է ձեռք բերվել լրացուցիչ քայլեր ձեռնարկել հայ-ադրբեջանական սահմանի սահմանազատման գործնական աշխատանքը սկսելու մասին՝ դրա հետագա սահմանագծմամբ։ Հաստատվել է փոխադարձ հետաքրքրությունը Հարավային Կովկասում տրանսպորտային եւ տնտեսական կապերի ապաշրջափակմանն ուղղված միջոցառումների շուտափույթ իրականացման հարցում»,- ասվում է հաղորդագրության մեջ։