Երեկ ՀՀ ՊՆ-ն հայտարարություն տարածեց՝ հայտնելով, որ ս.թ. դեկտեմբերի 18-ին, ՀՀ ՊՆ N զորամասի պահպանության տեղամասերից մեկում, հայ դիրքապահների կողմից ձերբակալվել են Ադրբեջանի ԶՈՒ երկու սահմանախախտ զինծառայողներ։ Դեկտեմբերի 20-ին, մարդասիրական նկատառումներով և ՌԴ միջնորդությամբ, նշված զինծառայողները վերադարձվել են ադրբեջանական կողմին։ Ադրբեջանի ՊՆ-ն իր հերթին հայտարարություն է տարածել՝ հաստատելով, որ իր զինծառայողները ձերբակալվել են ՀՀ ՊՆ N զորամասի պահպանության տեղամասերից մեկում ու դեկտեմբերի 20-ին վերադարձվել են։ Թշնամական կողմը, հայտնելով իր զինծառայողների անունները, պնդել է, որ վերջիներս մոլորվել են անբարենպաստ եղանակային պայմանների պատճառով։