ՀՀ կառավարությունը ծրագրում է վերականգնել Երասխ-Ջուլֆա-Օրդուբադ-Մեղրի-Հորադիզ երկաթգծի հատվածը, ինչի վրա կծախսվի մոտ 200 միլիոն ԱՄՆ դոլար։ Այս մասին հայտնել է ՀՀ փոխվարչապետ Մհեր Գրիգորյանը։

«Ըստ փորձագետների կողմից նախնական հաշվարկների, Հայաստանով անցնող երկաթգծի տվյալ հատվածի վերականգնումը կկազմի մոտ 200 միլիոն ԱՄՆ դոլար։ Այդ հատվածը շուրջ 45 կիլոմետր է, իսկ ընդհանուր երկարությունը կազմում է մոտ 340 կիլոմետր»,-նշել է փոխվարչապետը։

Մհեր Գրիգորյանի խոսքերով՝ Հայաստանը Ադրբեջանին կապող երկաթուղին կաշխատի։

«Երկաթուղին կաշխատի միջազգային փոխադրումների ընդունված իրավունքի և տվյալ երկրների օրենսդրության նորմերի շրջանակներում»,-հավելել է փոխվարչապետը։