Ինձ թվում է՝ այդ նախաձեռնողներից նաեւ պետք է հասկանալ այդ նախաձեռնության հիմքերը, գնահատականներն արդեն կտա հանրությունը։ Այս մասին այսօր՝ դեկտեմբերի 16-ին, NEWS.am-ի հետ զրույցում ասաց Երեւանի քաղաքապետ Հայկ Մարությանի մամուլի խոսնակ Հակոբ Կարապետյանը՝ անդրադառնալով քաղաքապետին անվստահություն հայտնելու գործընթաց սկսելուն։

«Թույլ տվեք հիմա կարծիքներ չհայտնել։ Ինձ թվում է՝ այդ նախաձեռնողներից նախ պետք է հասկանալ այդ նախաձեռնության հիմքերը, գնահատականներն արդեն կտա հանրությունը, եւ, բնականաբար, դրա վերաբերյալ քաղաքապետն էլ իր կարծիքը կհայտնի»,- ասաց Հակոբ Կարապետյանը։

Նշենք, որ Երեւանի ավագանու «Իմ քայլը» խմբակցության անդամները Հայկ Մարությանին պաշտոնանկ անելու գործընթաց են սկսել։