Ֆրանսիայի եւ Ռուսաստանի նախագահներ Էմանուել Մակրոնը եւ Վլադիմիր Պուտինը պայմանավորվել են նոր զրույց անցկացնել մինչեւ տարեվերջ։ Այս մասին չորեքշաբթի հաղորդել է Ելիսեյան պալատի մամուլի ծառայությունը։ «Նրանք [նախագահները] պայմանավորվել են կրկին զրուցել մինչեւ տարեվերջ՝ քննարկված հարցերին վերադառնալու համար»,-ասվում է պալատի տարածած հաղորդագրության մեջ՝ երկու երկրների ղեկավարների միջեւ երեքշաբթի օրը կայացած հեռախոսազրույցի արդյունքներով։ Նշվում է, որ պետությունների ղեկավարները քննարկել են  լեհ-բելառուսական սահմանին տիրող իրավիճակը, Ուկրաինայում տիրող իրավիճակը եւ Լեռնային Ղարաբաղում հակամարտության կարգավորմանն ուղղված ուղիները։