ՀՀ վարչապետ Նիկոլ Փաշինյանը Twitter-ի իր միկրոբլոգում գրառում է արել Բրյուսելում կայացած հանդիպման ժամանակ երկաթուղու վերագործարկման պայմանավորվածությունների վերաբերյալ։

«Եռակողմ հանդիպմանը մենք վերահաստատեցինք երկաթուղին վերագործարկելու համաձայնությունը՝ հիմնված միջպետական ընդունված սահմանային և մաքսային կանոնակարգերի վրա՝ փոխադարձ սկզբունքով, երկրների ինքնիշխանության և իշխանության ներքո։ Հայաստանը կստանա երկաթուղային մուտք դեպի Ռուսաստան և Իրան»,-գրել է Նիկոլ Փաշինյանը՝ երեք երկրների անունների փոխարեն նշելով դրոշներ։

Ուշագրավն այն է, որ ՀՀ վարչապետն իր գրառման մեջ թեգ է արել Ադրբեջանի նախագահին։