Դեկտեմբերի 9-ին, ժամը 13.00-ին, հիվանդանոցից ոստիկանության Արարատի բաժին հաղորդում է ստացվել, որ կրծքավանդակի հետին մակերեսի ծակած-կտրած վերքերով իրենց մոտ է տեղափոխվել 53-ամյա տղամարդ:

Բաժնի ծառայողների ձեռնարկած միջոցառումների արդյունքում պարզվել է, որ ժամը 12.30-ի սահմաններում Վեդի քաղաքի Կասյան փողոցում գտնվող փակ բաժնետիրական ընկերություններից մեկում երկու աշխատակցի միջև վիճաբանություն է եղել, որի ժամանակ վիճաբանության մասնակիցներից 33-ամյա տղամարդը իր մոտ եղած դանակով երկու անգամ հարվածել է մյուսի մեջքին՝ պատճառելով վնասվածքներ:

Ոստիկանության Արարատի բաժնի ՔՀԲ ծառայողների բացատրական աշխատանքի արդյունքում 33-ամյա տղամարդը ներկայացել է բաժին, տվել խոստովանական բացատրություն և ներկայացրել հանցագործության գործիք դանակը: Հանգամանքները պարզվում են: Նախապատրաստվում են նյութեր: