Ադրբեջանի նախագահ Իլհամ Ալիեւն ընդունել է Պակիստանի պաշտպանական արդյունաբերության նախարար Զուբեյդա Ջալալին։ Զրույցի ընթացքում ընդգծվել է համագործակցության ընդլայնման կարեւորությունը բոլոր ոլորտներում, այդ թվում՝ առեւտրի, էներգետիկայի, տրանսպորտի, զբոսաշրջության, կրթության եւ ռազմատեխնիկական ոլորտներում։ Կողմերը մտքեր են փոխանակել տարբեր ուղղություններով Ադրբեջան-Պակիստան-Թուրքիա եռակողմ համագործակցության ձեւաչափի հետագա ընդլայնման շուրջ։ Ալիեւը հայտարարել է, որ ուրախ կլինի օտարերկրյա ընկերությունների թվում, որոնք մասնակցում են Արցախի օկուպացված տարածքների «վերակառուցմանը եւ վերականգնմանը», տեսնել նաեւ պակիստանյան ընկերություններին: