Երևանի ավագանին 7-րդ նստաշրջանի 3-րդ նիստում որոշեց գումար տրամադրել 2008 թվականի մարտի 1-ին Երևանում տեղի ունեցած իրադարձությունների ընթացքում զոհվածների հիշատակին նվիրված հուշարձանի պատրաստման և տեղադրման աշխատանքների կատարման համար: Որոշմանը կողմ քվերակեց ավագանու 42 անդամ, ձեռնպահ մնաց մեկը:

Աշխատանքներն իրականացվելու են «Հուշարձանների վերանորոգում և պահպանում» ծրագրի շրջանակներում։

Երևանի քաղաքապետի տեղակալ Սերգեյ Ներսիսյանը նախագիծը ներկայացնելիս ասաց, որ նախատեսվում է Երևան համայնքի 2021 թվականի բյուջեի եկամտային մասում սուբվենցիաներն ավելացնել 96,4 մլն դրամով։