Մենք, այնուամենայնիվ, կփորձենք տարբեր ֆորմատներում քննարկվող օրակարգերը չխառնել մեկը մյուսին։ Այս մասին,  մամուլի ասուլիսի ժամանակ հայտարարեց  ՀՀ վարչապետ Նիկոլ Փաշինյանը՝ անդրադառնալով դեկտեմբերի 15-ին Բրյուսելում կայանալիք իր և Ադրբեջանի նախագահ Իլհամ Ալիևի հանդիպմանը։

«Այո՛, Բրյուսելում քննարկվող հարցերից մեկը կլինի հումանիտար, այդ թվում՝ գերիների հետ կապված։ Եվրամիության՝ Արևելյան գործընկերության շրջանակում մեր հարաբերությունների և փոխհարաբերությունների հարցերը կքննարկվեն», — ասաց վարչապետը։

Նա նշեց՝ չի կարծում, որ ճիշտ չէ ձևավորել ակնկալիք ամեն կոնկրետ հանդիպումից։

«Նեգատիվ կամ պոզիտիվ ակնկալություն պետք չի ձևավորել։ Խնդիրն այն է, որ, այո՛, կա լարվածություն մեր տարածաշրջանում և այդ լարվածությունը հաղթահարելու համար պետք է բանակցենք, օգտագործենք բանակցությունների հնարավորությունները։ Շատ կարևոր է, որ Հայաստանի ներսում և դրսում չստեղծվեն այդ բանակցությունների շուրջ գերագնահատված դրական արդյունքներ կամ գերագնահատված լուծումներ և փորձ արվի դրա շուրջ ապոկալիպտիկ տրամադրություններ ստեղծել», — ասաց վարչապետը։