Այո, 2020թ. նոյեմբերի 10-ից հետո այդ տարածքները, որոնք ճշգրիտ ավելի քան 40-45 քառակուսի կմ հայտնվել են Ադրբեջանի վերահսկողության ներքո, եւ դա մայիսի 12-ին տեղի ունեցած ադրբեջանական ներխուժումն է ՀՀ տարածք, որը միջազգային հանրությունը բավական միանշանակ դատապարտել է: Այս մասին առցանց ասուլիսի ընթացքում հայտարարեց վարչապետ Նիկոլ Փաշինյանը՝ անդրադառնալով «Ինֆորմացիան կոմիտե» տեղեկատվական-հասարակական կազմակերպության հարցին՝ 2020թ. նոյեմբերի 10-ից հետո ՀՀ ինքնիշխան տարածքներ հայտնվե՞լ են Ադրբեջանի վերահսկողության ներքո, եթե այո, ապա ինչպե՞ս չի փոխվել բալանսը:
«Մենք հենց էդ ենք ասում՝ այս ագրեսիան պետք է վերացվի, որ մենք այս ագրեսիայի փաստը միջազգային բոլոր ատյաններում պետք է հնչեցնենք ու հետապնդենք, պահանջենք, որ միջազգային հանրությունը ճնշում գործադրի Ադրբեջանի վրա, որպեսզի այս ագրեսիան վերացվի»,- նշեց Փաշինյանը:
00:00:00
