Ամո՛թ քեզ, մտավորական կոչվող բիոզանգված: Այս մասին ֆեյսբուքի իր էջում գրել է ՀՀ պետական, հասարակական գործիչ Վանո Սիրադեղյանի դուստրը՝ Արփի Սիրադեղյանը։

«Այսօր արդեն լրանում է Հայազգի մեծ մտավորական, պետական-քաղաքական գործիչ Վանո Սիրադեղյանի մահվան 38-րդ օրը, սակայն նա դեռ հողին հանձնված չէ։ Ի՞նչ եք մտածում, ո՞նց եք ապրում` առանց ձայն հանելու։

Ձեր գրչակից ընկերը, բարեկամը, եղբայրը, ձեզանից մեկը իր մահից քառասուն օր անց էլ հուղարկավորված չէ։ Սատանայական անտարբերությամբ դիտում եք այս անգամ արդեն վտարանդի դիակի (Դավիթի ասած) պախարակմանը։ Սա նաև ձեր փորձությունն է, ձեր նկարագիրը, ձեր դեմքը։ Սա է ձեր կեցվածքը կարևորագույն բոլոր հարցերի հանդեպ և նաև սա է երկրին հասած պատուհասների պատճառը։

Դուք նման եք շնագայլերի, որ հոշոտում են իրենց անթաղ ընկերոջը։ Ամո՛թ ձեզ», — գրել է նա։