Իսրայելի վարչապետ Նաֆթալի Բենեթը հինգշաբթի շնորհակալություն է հայտնել Թուրքիայի նախագահ Ռեջեփ Թայիփ Էրդողանին Ստամբուլի բանտից իսրայելցի զույգին՝ Նատալի և Մորդի Օակնիններին, ազատ արձակելու ջանքերի համար։

Ինչպես գրում է jpost.com-ը, երկուսի միջև հեռախոսազրույցում Բենեթը բարձր է գնահատել Իսրայելի և Թուրքիայի միջև հաղորդակցությունը, որը նա որակել է որպես արդյունավետ և զուսպ՝ վարչապետի բնորոշմամբ հումանիտար հարցի շուրջ:

Իսրայելական պարբերականը նկատում է, որ սա Իսրայելի վարչապետի և Էրդողանի առաջին հրապարակային հեռախոսազրույցն էր 2013 թվականից ի վեր։