Այս պահին հրադադար է։ Դիրքեր կան, որ ետ ենք վերցրել։ ԱԺ-ում լրագրողների հետ զրույցի ժամանակ ասաց «Քաղաքացիական պայմանագիր» խմբակցության պատգամավոր Արմեն Խաչատրյանը։

Պատգամավորը նպատակահարմար չհամարեց ասել, թե որտեղ ինչ ենք վերցրել և որ հատվածում ինչ իրավիճակ է։

Հարցին՝ հայկական կողմը ՀԱՊԿ-ին դիմել է, թե ոչ, Արմեն Խաչատրյանն ասաց. «Չեմ կարող ասել՝ գրավոր դիմել ենք, թե ոչ, բայց դիմել ենք։

Երեկ ՀԱՊԿ-ից տեղեկատվություն ստացվեց, որ բանավոր դիմել ենք»։

Արմեն Խաչատրյանը ևս մեկ անգամ ասաց, որ միջանցք չի լինելու, և որևէ մեկն ուժով այդ խնդիրը չի կարող լուծել։

Պատգամավորի կարծիքով այս հրադադարը փխրուն է։ Նրա խոսքով բանակցություններ ընթանում են հրադադարի ռեժիմը շարունակելու և մյուս խնդիրների վերաբերյալ։

Հարցին՝ թշնամուց գերի վերցրե՞լ ենք, պատգամավորն ասաց, որ նման տեղեկատվություն չի ստացել։