Այսօր՝ օգոստոսի 26-ին,  ավտովթար է տեղի ունեցել Երևանում: Ինչպես հայտնում է SHAMSHYAN.com-ը, ժամը 17:10-ի սահմաններում  Hyundai մակնիշի ավտոբուսը Կիևյան փողոցում բախվել է թիվ 18 երթուղին սպասարկող ավտոբուսին, ապա առաջ ընթանալով, բախվել կայանված Opel-ին, այնուհետև ծառին: Վթարի հետևանքով ծառն արմատից կոտրվել է: Շտապօգնության բժիշկներն օգնություն են ցուցաբերել  3 քաղաքացու, ովքեր սակայն հրաժարվել են հիվանդանոց  մեկնելուց: