Օգոստոսի 18-ին, ժամը 02:48-ին Ճգնաժամային կառավարման ազգային կենտրոն ահազանգ է ստացվել, որ Վեդի քաղաքի Կոմիտասի փողոցում այրվում են փայտե չբնակեցված տնակ և բարձրավոլտ հոսանքի փայտե սյուն։ Ինչպես տեղեկացնում է Արտակարգ իրավիճակների նախարարությունը, դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Պարզվել է, որ հրդեհը բռնկվել է Վեդի քաղաքի Գնունու փողոցում գտնվող փայտե ինքնաշեն տնակում: Հրդեհը մեկուսացվել է ժամը 02:59-ին, մարվել՝ 04:15-ին: Այրվել են փայտե ինքնաշեն տնակ (մոտ 20 քմ), էլեկտրական սյուն (մոտ 5 գմ) և էլ հաշվիչը՝ մասնակի։