Մայիսի 7-ը համաշխարհային գիտության եւ տեխնիկայի պատմության մեջ մտել է իբրեւ Ռադիոյի օր։ 1895թ. հենց այդ օրը ռուս գիտնական ֆիզիկոս Ալեքսանդր Պոպովը ներկայացրեց իր ստեղծած աշխարհում առաջին ռադիոընդունիչը եւ հաստատեց առաջին ռադիոկապը, գրում է Calend-ը։ Նշենք, որ 1945 թվականին ԽՍՀՄ-ում լայնորեն նշվել է ռադիոյի գյուտի 50-ամյակը, որից հետո որոշվել է այն դարձնել ամենամյա տոն: Այսօր Ռադիոյի օրը, կապի բոլոր ոլորտների աշխատողների տոնը նշվում է ոչ միայն Ռուսաստանում։ Ետխորհրդային տարածքում այն շարունակում են մայիսի 7-ին նշել նաև Հայաստանում, Բելառուսում ու Ղրղզստանում։