Այսօր՝ մայիսի 4-ին, խոշոր ավտովթար է տեղի ունեցել Արագածոտնի մարզում։ Ժամը 11։00-ի սահմաններում Երևանի բնակիչ՝ 23-ամյա Աբգար Մկրտչյանը իր վարած ЗИЛ ММZ 45021 մակնիշի 34 MM 155 համարանիշի ավտոմեքենայով Երևան-Գյումրի ավտոճանապարհի 34-րդ կմ հատվածում դեպի երևան ընթանալիս կողաշրջվել է, հայտնում է shamshyan.com-ը։ Ինչպես դեպքի վայրից հայտնում է ֆոտոլրագրող Գագիկ Շամշյանը, ըստ նախնական տեղեկությունների՝ վթարի հետևանքով, բարեբախտաբար, զոհեր և վիրավորներ չկան։ Ավտոմեքենան բարձված է եղել տուֆ քարով և կողաշրջման պատճառը եղել է այն, որ ավտոմեքենայի հետևի անվահեծաններից մեկը պոկվել է, և վարորդը, չկարողանալով կառավարել ավտոմեքենան, կողաշրջվել է։