Մի խումբ ակտիվիստներ պատրաստվում են այցելել Երեւանի Մոնթե Մելքոնյանի անվան թիվ 11 դպրոց: Քաղաքացիական ակտիվիստների ֆեյսբուքյան էջերից  կատարված գրառումներից պարզ է դառնում, որ դպրոցի տնօրենը ճնշումներ է գործադրում այն ուսուցիչների եւ աշակերտների նկատմամբ, ովքեր մասնակցել են դասադուլներին: Մասնավորապես Անի Կաղինյանը հետեւյալ գրառումն է արել Տեղեկացնում եմ Ձեզ, որ 2018 թվ մայիսի 4-ին Ժամը 11 անց 30-ին Երևան քաղաքի Հարավ-Արևմտյան Բ2 թաղամասի Մոնթե Մելքոնյանի անվան թիվ 11 հիմնական դպրոցում հասցեն՝ Զորավար Անդրանիկ փողոց Բ2 թաղամաս տեղի է ունենալու հավաք: Թիվ 11 հիմնական դպրոցի տնօրեն տիկին Ազիզյանը հանդիսանում է Սերժ Սարգսյանի համակուրսեցին, ով 2013 թվականի նախագահական քարոզարշավի ժամանակ ԿՐԱԿՈՏ ՏՂԱՄԱՐԴ անվանեց իր համակուրսեցուն: Տիկին Ազիզյանը ճնշում է գործադրում իր ուսուցչական կազմի նկատմամբ, անցել է պատժիչ գործողությունների այն ուսուցիչների նկատմամբ, ովքեր մասնակցել են գործադուլին և հավաքներին: Ծնողները և աշակերտները պահանջում են Ազիզյանի հրաժարականը: Արամ Մանուկյանն էլ գրել է. Քանի որ արձագանքը շատա ,ուրեմն ասեմ ՝էսօր ժամը 11 -ին գնում ենք Բանգլադեշի Մոնթե Մելքոնյանի անվան համար 11 դպրոց ,որի տնօրենը դեռ չի հասկացել ,որ իր կուրսեցի սերժիկը էլ չկա ու շարունակում է նեղացնել ուսուցիչներին ՝ ընդհուպ մինչև աշխատանքից հեռացնելու սպառնալիքներով ,քանի որ մասնակցել են դասադուլին : Եկեք ,եթե ուզում եք ) ՀԳ կուզենայի ,որ լինեյին նաև իրավապաշտպաններ: Հավելենք, որ Irakanum.am-ը սույն դպրոցում տեղի ունեցող իրադարձություններին ավելի վաղ էր անդրադարձել: Գրել էինք, որ Երեւանի Մալաթիա- Սեբաստիա վարչական շրջանում գտնվող 11 դպրոցի բարձր դասարանի աշակերտները, ովքեր մասնակցում են դասադուլներին եւ բողոքի գործողություններին, տնօրենը կանչում է իր մոտ եւ նրանց հեռացնում դպրոցից: Տնօրենը մեզ հետ զրույցում հերքել էր տեղեկությունները: Հիշեցնենք, որ Մոնթե Մելքոնյանի անվան դպրոցի տնօրեն Ռուզան Ազիզյանը Սերժ Սարգսյանի համակուրսեցին է: