Նաիրա Զոհրաբյանն այսօր ԱԺ-ում վարչապետի թեկնածու Փաշինյանի հետ հարցուպատասխանից հետո ելույթ ունեցավ: «Ծառուկյան» դաշինքի պատգամավորը հիմնավորեց, որ միացել են շարժմանը, որ դուրս գան համակարգային այս ճահճից, որից գարշահոտ է գալիս: «Այս շարժումը «մեր դեմ խաղ չկա»-ն ու Մելիք-Ադամյանի դատավճիռը կոտրելու հնարավորությունն է: Մենք միացել ենք, որ ՀՀՇ-ից չդառնան երկրապահ, երկրապահից` ՀՀԿ, ՀՀԿ-ից` Էսէռ, բոլշեւիկից` մենշեւիկ, մենշեւիկից էլ` ՔՊ-ի անդամ»,- հայտարարեց Զոհրաբյանը: Նաիրա Զոհրաբյանն ասաց, որ շարժմանը միացել են, որ այլեւս երբեք քաղաքացին ընտրական առեւտրի առարկա չդառնա, որի վրա կարելի է շաբաշի նման 10 հազար դրամ շպրտել: «Ես քվեարկելու եմ, քանի որ չեմ ուզում` իմ ու ձեր երեխաներն ապրեն ձեր ապականած իմ հայրենիքում»,- ասաց «Ծառուկյան» դաշինքի պատգամավորը:
00:00:00
