Ապրիլի 20-ին, ժամը 06։23-ին Սյունիքի մարզային ճգնաժամային կառավարման կենտրոն ահազանգ է ստացվել, որ Շաքի գյուղում տուն է այրվում․ կա տուժած։ Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։ Պարզվել է, որ հրդեհը բռնկվել է 13-րդ փողոցում գտնվող տներից մեկում։ Հրդեհը մեկուսացվել է ժամը 07:22-ին, մարվել՝ 09։24-ին։ Այրվել են տան տանիքի (80 քմ) 40 քմ հատվածը, խոհանոցի և ննջասենյակի գույքը՝ մոտ 40 քմ։ Տուժածը ստացել է այրվածք գլխի հատվածում։