Լոնդոնի «Արսենալի» կադրերի բաժնի նախկին ղեկավար Սվեն Միսլինտատը կարծիք է հայտնել «զինագործների» նախկին կիսապաշտպան, Հայաստանի հավաքականի ավագ Հենրիխ Մխիթարյանի մասին.
«Մխիթարյա՞նը. նա փոխանակվեց Ալեքսիս Սանչեսի հետ, ֆուտբոլիստ, որը մի քանի օրից այլևս ոչ մի արժեք չի ունենա ակումբի համար: Միկին լավ օգնական կլիներ թիմի և մարզիչների համար: Դրան գումարած՝ դուք ստանում եք մի խաղացողի, որը խոսում է 7 լեզվով և բոլորի հետ շփվում է հանդերձարանում, ինչը կարևոր է այդ պահին:
Նա շատ պորֆեսիոնալ ու հիանալի մարդ է: Նա օրինակ է, շատ է աշխատում: Նա խորհուրդներ էր տալիս այնպիսի խաղացողի, ինչպիսին օրինակ Մաթեոն էր:
Մարդիկ նրան թերագնահատում են, ես սա երբեք չեմ հասկացել: Շատ ուրախ եմ, որ նա հիմա խաղում է «Ռոմայում»,- Armsport-ի փոխանցմամբ՝ ասել է Սվեն Միսլինտատը:
00:00:00
