Պատվաստումների դեմ պայքարում ԵՄ-ն «բավականաչափ արագ եւ բավականաչափ ուժեղ չէ»: Այս մասին հայտարարել է Ֆրանսիայի նախագահ Էմանուել Մակրոնը՝ ԵՄ առաջնորդների «վիրտուալ» հանդիպմանը, որն ընթանում է Եվրահանձնաժողովի կողմից պատվաստանյութերի արտահանումը արգելելու սպառնալիքների ֆոնին՝ նոր կանոնների համաձայն, որոնք ուղղված են Մեծ Բրիտանիայի դեմ: Մակրոնը նաեւ չի կարողացել իրեն ստիպել գովել պատվաստանյութերի հարցում Մեծ Բրիտանիայի առաջընթացը, փոխարենը գովել է ԱՄՆ-ին, հայտնում է Daily Mail-ը: Ֆրանսիան եւ Գերմանիան սատարում են կոշտ միջոցները, քանի որ նրանք ահռելի ճնշման են ենթարկվում: Ավելի վաղ Եվրահանձնաժողովի նախկին ղեկավար Ժան-Կլոդ Յունկերը միջամտել էր վեճին՝ «պատվաստանյութերի դեմ պատերազմի» գաղափարը հիմար անվանելով եւ մտավախություն հայտնելով, որ դա Եվրամիության «հեղինակությանը լուրջ վնաս կհասցնի»: Այն բանից հետո, երբ Մեծ Բրիտանիայի վարչապետ Բորիս Ջոնսոնը նախազգուշացրեց, որ ձեռնարկությունները կարող են լքել ԵՄ սահմանները, եթե «կամայական» արգելքներ դրվեն, ԵՄ-ն եւ Մեծ Բրիտանիան հանդես եկան համատեղ հայտարարությամբ՝ խոստանալով միասին աշխատել: Մեծ Բրիտանիայի առողջապահության նախարար Մեթ Հենքոկը նույնպես հայտարարությամբ է հանդես եկել՝ նշելով, որ AstraZeneca-ի հետ Բրիտանիայի պայմանագիրը սկզբունքորեն ավելի լավն է, քան ԵՄ-ի հետ պայմանագիրը: Ջոնսոնը պատասխանել է, որ պատվաստանյութերի վաճառքի հարցում ինքը «բաց լինելու կողմնակից է»: «Մի հարցում եւս հաստատ հավատարիմ եմ լիբերալությանը՝ դա ազատ առեւտուրն է, եւ ես չեմ ուզում պատվաստանյութերի կամ դեղամիջոցների առեւտրի մեջ արգելք տեսնել: Կարծում եմ, որ այս արգելքներով ճանապարհը մեր եւ մեր բարեկամների համար չէ»,- հավելել է Ջոնսոնը: Խոսելով Բունդեսթագում՝ Անգելա Մերկելը համաձայնել է, որ ԵՄ պայմանագրերն այնքան էլ ուժեղ չեն, որքան Մեծ Բրիտանիայինը: «Բրիտանական ընկերությունները ապրանքներ են արտադրում Մեծ Բրիտանիայի համար, իսկ ԱՄՆ-ը չի արտահանում, ուստի հուսով ենք, որ Եվրոպայում կարող ենք արտադրել (պատվաստանյութեր)»,- ասել է Մերկելը: Պնդելով ԵՄ-ում արտադրության ավելացմանը՝ կանցլերը հավելել է. «Պետք է հաշվի առնենք, որ վիրուսն իր մուտացիաներով կարող է երկար մնալ մեր կյանքում, ուստի այս խնդիրը մեզ կուղեկցի ոչ միայն այս տարի»: Չնայած դրան, Մերկելը փորձել է պաշտպանել պատվաստանյութերը համատեղ գնելու ԵՄ որոշումը: