Մովսես Հակոբյանի հայտարարությունների հիման վրա հարուցվել է քրեական գործ. նա պնդում է, որ կա առերևույթ խախտում և հանցագործություն, որը վերաբերում է բանակի համալրմանը, սպառազինության ձեռքբերմանը և մի շարք այլ երևույթներին, որոնք տեղ են գտել բանակում, այդ մասին լրագրողների հետ հանդիպմանն ասաց ԳՇ նախկին պետք Մովսես Հակոբյանը։ «Ես հարցաքննվել եմ, տեղյակ չեմ, սակայն, երկրի ղեկավարը հարցաքննվել է, թե ոչ, բայց պարտադիր պետք է հարցաքննվի», - ասաց Հակոբյանը։ Հիշեցնենք, որ Մովսես Հակոբյանի բացահայտումներից հետո եղան մի շարք հայտարարություններ, թե դրանք գաղտնիության ռեժիմի խախտում են պարունակում։ «Դրա վերաբերյալ դեռևս քերական գործ չկա հարուցված», - ասաց Հակոբյանը՝ նշելով, թե դրանք գաղտնիություն չեն պարունակում։