Լատվիայի պետական անվտանգության ծառայությունը «անբարյացակամ երկրներին», առաջին հերթին Ռուսաստանին, մեղադրել է լատվիական իշխանությունների գործողությունները համավարակի պայմաններում լրտեսելու համար: Այս մասին տեղեկացնում է gazeta.ru կայքը:
Ըստ Լատվիայի պետական անվտանգության գերատեսչության, դա արվում է ռազմական առճակատման դեպքում Լատվիայի կառավարության արձագանքը գնահատելու համար:
«COVID-19 համավարակը ստեղծել է ոչ միայն մարտահրավերներ, այլև աննախադեպ հնարավորություններ անբարյացակամ երկրների հետախուզական ծառայությունների համար: Համավարակի ընթացքում պատասխանատու մարմինների գործողությունները ցույց են տալիս, որ երկիրը պատրաստ է հաղթահարել ճգնաժամային իրավիճակները, և, ուսումնասիրելով նրանց գործողություններն այս պահին, անբարյացակամ երկրների հետախուզական ծառայությունները կարող են բացահայտել և կանխատեսել տարբեր գերատեսչությունների արձագանքման հնարավորությունները հավանական ռազմական առճակատման պայմաններում»,-գրված է զեկույցի բաց հատվածում:
Կառույցը նշում է, որ Լատվիայի պետական մարմինների գործողությունների մասին տեղեկատվության մեծ մասը հավաքվել է հեռակա կարգով, քանի որ համավարակի պատճառով լուրջ խոչընդոտներ էին ստեղծվել տեղեկատվության տեղում ուղղակի հավաքման համար:
00:00:00
