Երեկ՝ մարտի 14-ին,  ավտովթար է տեղի ունեցել Արավիրի մարզում: Ժամը 22:50-ի սահմաններում Մեծամոր քաղաքի բնակիչ, 30-ամյա Սերյոժա Վ.-ն իր վարած Opel  մակնիշի ավտոմեքենայով, դեռս անհայտ հանգամանքներում, Մեծամոր քաղաքից դեպի Հայաստանի ատոմային էլեկտրակայան տանող ճանապարհի 1-ին կմ հատվածում դուրս է  եկել ճանապարհի երթևեկելի գոտուց և գլխիվայր հայտնվել գնացքի գծերի վրա: Ինչպես հայտնում է Shamshyan.com-ը, վթարի հետևանքով վարորդը մարմնական վնասվածքներով տեղափոխվել է «Մեծամոր» բժշկական կենտրոն: Օպերատիվորեն  դեպքի վայր են ժամանել ճանապարհային ոստիկանության  2-րդ սպայական գումարտակի 1-ին վաշտի 2-րդ դասակի ծառայողները՝ վաշտի հրամանատար Գրիգոր Պողոսյանի, դասակի հրամանատար Մառլեն Սարգսյանի գլխավորությամբ: Տեղում հետաքննչաան աշխատանքները ղեկավարել է  նույն վաշտի ավագ հետաքննիչ  Գևորգ Եղիազարյանը, ում կողմից փաստի առթիվ նյութեր  են նախապատրաստվում: