Հայաստանի Սյունիքի մարզի Շուռնուխ համայնքի ղեկավար Հակոբ Արշակյանը ֆեյսբուքյան իր էջում հրապարակել է տեսանյութ, որում Գորիսի քաղաքապետ Առուշ Առուշանյանի, տեղի հայ սահմանապահների հետ միասին բնակիչներին ներկայացնում են ստեղծված իրավիճակը: «Փողոցը վաղվանից անցնելը դառնում է պռոբլեմ, եթե հանկարծ անասուն էլ անցնի հետևից գնալ չկա»,- ասաց Արշակյանը: Գորիսի քաղաքապետի խոսքով էլ՝ հունվարի 8-ից անասնապահության և արոտավայրերի հետ կապված խնդիր է առաջանալու: Մանրամասները՝ տեսանյութում: