Ֆրանսիայի չեմպիոն ՊՍԺ-ն դադարեցրել է համագործակցությունը թիմի գլխավոր մարզիչ Թոմաս Տուխելի հետ, հայտնում է ակումբի մամուլի ծառայությունը: Տուխելը ՊՍԺ-ն գլխավորել էր 2018-ին՝ դառնալով Ֆրանսիայի կրկնակի չեմպիոն եւ սուպերգավաթակիր, Ֆրանսիայի գավաթակիր եւ Ֆրանսիական լիգայի գավաթակիր։ Չեմպիոնների լիգայի անցած մրցաշրջանում ՊՍԺ-ն հասավ եզրափակիչ եւ պարտվեց Մյունխենի «Բավարիային»։ ՊՍԺ-ն պայմանագրի խզման համար 6 միլիոն եվրո փոխհատուցում կվճարի 47-ամյա մասնագետին: Ավելի վաղ ֆրանսիական ԶԼՄ-ները հայտնել էին, որ ՊՍԺ-ն բանակցում է Լոնդոնի «Տոտենհեմի» նախկին գլխավոր մարզիչ Մաուրիսիո Պոչետինոյի հետ: