Դեկտեմբերի 28-ին, ժամը 14։05-ին Սյունիքի մարզային ճգնաժամային կառավարման կենտրոն ահազանգ է ստացվել, որ Գորիս-Կապան ավտոճանապարհի 12-րդ կմ-ին տեղի է ունեցել ՃՏՊ։ Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Պարզվել է, որ բախվել են «Mitsubishi IO» (վարորդ՝ Էդգար Ս․, ծնված 1990 թ․) և «ԿամԱԶ» մակնիշների ավտոմեքենաները։ Փրկարարները հոսանքազրկել են «Mitsubishi IO» մակնիշի ավտոմեքենան, դուրս բերել Էդգար Ս․-ին և մոտեցրել շտապօգնության ավտոմեքենային․ վերջինս հոսպիտալացվել է Գորիսի ԲԿ։