«System of a down» խմբի մենակատար Սերժ Թանկյանն ուշադրությամբ հետեւում է Արցախի սահմանին ծավալվող իրադարձություններին՝ կոշտ արձագանքելով հակառակորդի գործողություններին։ Թանկյանը Facebook-յան էջում կիսվել է Ամերիկայի Հայ դատի հանձնախմբի հրապարակմամբ, որում նշվում է, որ կառույցը նամակ է ուղարկել ԱՄՆ Պետքարտուղարություն՝ կոչ անելով կասեցնել Թուրքիային այն բաղադրիչների վաճառքը, որոնք ներառված են թուրքական Bayraktar TB2 ԱԹՍ-ներում: «Կապվեք ձեր ներկայացուցիչների հետ՝ Թուրքիայի կողմից զենքի ձեռքբերումն ԱՄՆ-ից դադարեցնելու համար»,- գրել է նա՝ հավելելով, որ այն օգտագործվում է Արցախում հայերի սպանելու համար։