Վրաստանի արեւմուտքում՝ Զուգդիդի քաղաքում, Գամսախուրդիա փողոցում Վրաստանի բանկի մասնաճյուղերից մեկում զինված տղամարդը պատանդներ է վերցրել, հաղորդում է վրացական «Առաջին ալիքը»: Ըստ տեղեկությունների՝ հանցագործը զինված է եղել ինքնաձիգով եւ նռնակով: Պատանդ են վերցվել բանկի աշխատողներն ու հաճախորդները: Հայտնի չէ, թե ինչ պահանջներ է նա ներկայացրել: Տեղում աշխատում են ոստիկաններն ու հատուկ նշանակության ջոկատները: