Հայաստանի ԱԻՆ-ում, հունիսի 17-ին, ժամը 22:46-ին Ճգնաժամային կառավարման ազգային կենտրոն տեղեկություն է ստացվել, որ Ֆանտան գյուղի 4-րդ փողոցում այրվում է տան տանիք: Դեպքի վայր է մեկնել ԱԻՆ ՓԾ Կոտայքի մարզային փրկարարական վարչության հրշեջ-փրկարարական ջոկատներից երկու մարտական հաշվարկ: Պարզվել է, որ հրդեհը բռնկվել է տանը կից անասնագոմի տանիքում: Հրդեհը մեկուսացվել է ժամը 23:06-ին, մարվել՝ 23:20-ին: Այրվել են անասնագոմի տանիքի փայտյա կառուցատարրերը (մոտ 100 քմ)։