Վանաձոր-Ալավերդի-Վրաստանի սահման (Մ6) միջպետական նշանակության ավտոճանապարհին հունիսի 16-ին իրականացվելու են քարաթափման աշխատանքներ, ինչի հետեւանքով նույն օրը՝ ժամը 14:00-ից մինչեւ 19:00, Նեղոցի ենթակայանից մինչեւ Հաղպատի խաչմերուկ ճանապարհահատվածը փակ է լինելու երթեւեկության համար։ Քարաթափման աշխատանքներն իրականացվում են Վանաձոր-Ալավերդի-Վրաստանի սահման (Մ6) միջպետական ավտոճանապարհի վերականգնման եւ բարելավման ծրագրի շրջանակներում։ Պատճառվող անհարմարության համար հայցում ենք երթեւեկության մասնակիցների ներողամտությունը: