Ճանապարհային երթեւեկության անվտանգության բարելավման նպատակով, տրանսպորտային միջոցների երթեւեկության հապաղումներից եւ հնարավոր խցանումներից խուսափելու համար 2020 թվականի մայիսի 16-ից Երեւան քաղաքի Հասրաթյան-Շիրազի-Ջանիբեկյան փողոցների խաչմերուկում կկատարվի երթեւեկության կազմակերպման փոփոխություն: Փոփոխության արդյունքում Ջանիբեկյան փողոցի երթեւեկելի 1-ին գոտիով դեպի նշված խաչմերուկ երթեւեկող տրանսպորտային միջոցները խաչմերուկում այսուհետ կարող են երթեւեկել դեպի աջ կամ դեպի ձախ, նախկինում՝ միայն դեպի աջի փոխարեն: