00:00:00

«Ժողովուրդ». Նախկինների կադրը հետ եկավ ԴԱՀԿ. ծառայությունում զարմացած են

13:47, 14 մայիս 2020 Մամուլ

«Ժողովուրդ» թերթը գրում է․ «Մայիսի 6-ին, գլխավոր հարկադիր կատարող Սերգեյ Մեղրյանի առաջարկությամբ եւ արդարադատության նախարար Ռուստամ Բադասյանի հրամանով, Արամ Կարախանյանը նշանակվել է գլխավոր հարկադիր կատարողի տեղակալ: «Ժողովուրդ» օրաթերթին այս նշանակման շուրջ մանրամասներ են հայտնի դարձել: Պարզվում է` Արամ Կարախանյանի նշանակումը Գլխավոր հարկադիր կատարման ծառայությունում լավ չեն ընդունել, անգամ ծառայության աշխատակիցները գնահատական են հնչեցրել, թե ինչու են համակարգ բերում նախկին իշխանության կցորդներին: Ի դեպ, Գլխավոր հարկադիր կատարման ծառայությունում տարածված լուրերի համաձայն՝ ԴԱՀԿ նախկին պետ Արմեն Հարությունյանի եւ Արամ Կարախանյանի «տանիքն» է եղել Սերժ Սարգսյանի նախկին ռեֆերենտը՝ Հրայր Ղուկասյանը: Եվ, ահա, ծառայությունում տարածված լուրերի համաձայն՝ Արամ Կարախանյանը համակարգից հեռացել էր Արմեն Հարությունյանի հետ միասին եւ այս օրերին Կադաստրի կոմիտեում որպես օգնական էր աշխատում: Բայց Կադաստրի նորանշանակ պետը վերջինիս ազատել է պաշտոնից, եւ ստացվում է` Կարախանյանը կրկին հետ վերադարձավ Հարկադիր կատարման ծառայություն: Եվ հիմա Ծառայությունում տարակուսած են, թե ինչպես կարող էին թույլ տալ, որ օգնականի դեր կատարած անձը նշանակվի պետի տեղակալ»: Առավել մանրամասն՝ թերթի այսօրվա համարում

Լրահոս

Արխիվ

March 2017
Երկ ԵրքՉոր Հնգ Ուրբ Շաբ Կիր