Հայաստանի Հանրապետության Ազգային ժողովի նախագահ Արարատ Միրզոյանը տեսակապով զրույց է ունեցել Շվեդիայի Թագավորության Ռիկսդագի խոսնակ Անդրեաս Նորլենի հետ։Այս մասին տեղեկանում ենք ԱԺ մամուլի  ծառայությունից: Անդրեաս Նորլենը շնորհակալություն է հայտնել Արարատ Միրզոյանին իրեն ուղղված նամակի համար եւ նշել, որ համավարակով ստեղծված այս իրավիճակի պայմաններում կարեւոր է պահպանել շփումները խորհրդարանների միջեւ։ Օրենսդիր մարմինների ղեկավարները տեղեկություն են փոխանակել համավարակի դեմ երկու երկրների կողմից իրականացվող միջոցառումների, այս ընթացքում խորհրդարանների աշխատանքի մասին։ Զրուցակցի խնդրանքով Արարատ Միրզոյանը ներկայացրել է Հայաստանի բարեփոխումների օրակարգում արձանագրված հաջողությունները։ Կողմերը պայմանավորվածություն են ձեռք բերել շարունակելու շփումները նման ձեւաչափով։