Արարատի մարզի Ուրցաձորում գրանցվել է կորոնավիրուսային հիվանդության վարակի առաջին դեպքը։ Այս մասին NEWS.am-ի հետ զրույցում հայտնեց համայնքապետ Ռաֆիկ Անդրեասյանը։ Անդրեասյանն ասաց, որ բնակչի ընտանիքի 5 անդամներն այս պահին մեկուսացված են։ Նա հայտնեց, որ սկզբնաղբյուրը դեռեւս հայտնի չէ, 42-ամյա տղամարդը Արարատի մարզի շինարարական ընկերությունում է աշխատել. «Տեւական ժամանակ իրեն լավ չէր զգում, միայն 2 օր առաջ է որոշել թեստավորվել ու հաստատվել է»։