Արցախի կառավարությունը կյանքի է կոչում աջակցության 4 ծրագիր սոցիալական ոլորտում: Այս մասին, այսօր՝ մայիսի 12-ին, ասուլիսի ժամանակ նշել է Արցախի պետնախարար, պարետ Գրիգորի Մարտիրոսյանը: «Տնտեսության ոլորտում աջակցության երկու ծրագիր արդեն հաստատման փուլում է, օգնելու ենք այն ոլորտներին, որոնք առաջին հերթին են հայտնվել կորոնավիրուսի հարուցած դժվարությունների առջեւ: Առաջինը հյուրանոցային եւ հյուրատնային ծառայություններ, երկրորդը հանրային սննդի ծառայություններ, երրորդը զբոսաշրջային ծառայություններ, 4-րդը՝ վարսավիրանոցային եւ գեղեցկության սրահների ծառայություններ, 5-րդ՝ մանրածախ առեւտրի ծառայություններ, 6-րդ՝ ուղեւորափոխադրման գործունեություն,  7-րդ՝ մասնավոր մանկապարտեզների եւ ստեղծագործական եւ զարգացման կենտրոնների գործունեություն, 8-րդ՝ սպորտի ոլորտում գործունեություն (սպորտային ակումբներ, լողավազաններ) եւ 9-րդ՝ զվարճությունների եւ հանգստի կազմակերպման այլ գործունեությունը»,-ընդգծեց է նա: