Գյումրու ինֆեկցիոն հիվանդանոցում կորոնավիրուսի հետևանքով մահվան 4-րդ դեպքն է գրանցվել։ Մահացածը 64-ամյա կին է՝ Գյումրիի բնակիչ: Կինը ունեցել է ուղեկցող քրոնիկ հիվանդություններ։ Մարզպետարանից հայտնում են, որ Գյումրու ինֆեկցիոն հիվանդանոցում մայիսի 6-ի դրությամբ կորոնավիրուսով 76 պացիենտ է բուժում ստանում, նրանցից 70-ը Շիրակի մարզի բնակիչներ են։ Առողջապահության նախարարության հանձնարարությամբ դրական արդյունքով, բայց հիվանդության անախտանիշ ընթացքով 23 պացիենտ ինֆեկցիոն հիվանդանոցից տեղափոխվել են Ծաղկաձորում առանձնացված հյուրանոց։