Էրդողանի այս արտահայտությանը ֆեյսբուքյան իր էջում անդրադարձել է Թուրքիայի խորհրդարանի հայազգի պատգամավոր, քրդամետ Ժողովրդադեմոկրատական կուսակցության անդամ Կարո Փայլանը: «Էրդողանը երեկ իր ատելություն տարածող խոսքում կրկին օգտագործել է «թրի մնացորդներ» արտահայտությունը: «Թրի մնացորդ» արտահայտությունը ստեղծվել է որբերի համար, ինչպիսին Հայոց ցեղասպանությունը վերապրած իմ տատն է եղել: Ամեն անգամ այդ արտահայտությունը լսելիս մեր դեմքի արտահայտությունը սառչում է: Անազնիվ արտահայտություն է»,-գրել է Փայլանը: