Կառավարությունը 800 մլն դրամ կուղղի վարձավճարների և 150 մլն դրամ էլ ուսանողական վարկերի տոկոսագումարների փոխհատուցմանը՝ առկա և հեռակա ուսուցմամբ սովորողներին աջակցելու նպատակով։ Այս մասին տեղեկանում ենք ՀՀ Կառավարության ֆեյսբուքյան էջից: «Սա շատ լավ հնարավորություն է այն ուսանողների համար, ովքեր ամբողջ տարի լավ են սովորել և հիմա ինչ֊որ չափով թեթևացնում են իրենց ծնողների հոգսը»,֊ ասում է ուսանողուհի Մարիամ Գասպարյանը։ Ուսանողների աջակցության ցուցիչ է ընտրվել ուսանողների առաջադիմությունը: ԵՊՀ 998 ուսանող կօգտվի այս աջակցությունից, որից 25-ը Իջեւանի մասնաճյուղից է: