Արդարադատության նախկին նախարար Արփինե Հովհաննիսյանը իր ֆեյսբուքյան էջում գրել է․ «Շաբաթ կեսօրը կարծես խուճապ բերեց ֆեյքագումարտակների հրամանատարների շրջանում: Ամբողջ շաբաթվա իշխանական լրահոսը գերլարումով պաշտպանած ուժերը, ավաղ, պատրաստ չէին իմ գրառմանը: Ֆեյքագումարտակների հպա՜րտ պաշտպաններ, եթե իմ գրառումը կարդում ու տարածում են միայն ֆեյքերը, ապա ի՞նչու եք պատեպատ դիպչում: Ի՞նչու եք ավելի հյուծում ձեր` առանց այն էլ հյուծված ուժերը իմ դեմ պայքար մղելու համար, եթե իմ գրառումը իրական մարդկանց շրջանում տարածում չունի: Խնայեք ինքներդ Ձեզ: #կիբեր_գեներալը»: Ավելի վաղ Հովհաննիսյանն իր էջում «Չհիասթափված քաղաքացու Բաց նամակը երկրի վարչապետին» վերնագրով գրառում էր կատարել: